زوجي عصبي ويشتمني ويسب اهلي على أتفه الأسباب

[ربيع الفردوس الاعلى و روضة القران]

زوجي عصبي ويشتمني ويسب اهلي على أتفه الأسباب

السلام عليكم
زوجي ماعنده أدنى احترام وتقدير لي تزوجت بعمر صغير وفرق عمر بيني وبينه عشر سنوات صوته دايم عالي ويصرخ في وجهي والله العظيم ان صراخه كأن مصيبه صايره يادافع البلا مفضوحين عند الجيران وفي كل مكان ماعنده تفاهم ولا نقاش صراخ بصراخ
وشتايم وكلام جارح اي سالفه تعصبه ويتنرفز منها والله ان بعض المرات أتعجب ايش اللي ينرفز في الموضوع ويخليه يصرخ ويتلفظ علي يالغبيه يالمجنونه انتي ماتفهمين مخك قافل روحي سدي حلقك ابلعي لسانك
إذا قلت له عيب عليك وش هالكلام احترمني يقول والله ماني محترمك ورب الكعبه ماني محترمك يالله ضربي راسك بالجدران
متزوجين من ١٢ سنه بدايه زواجنا زعلت عند اهلي كثيير
مره جلست ٣ شهور ومره شهرين ومره اربع شهور ومرات اجلس اسبوع اسبوعين ويجي عند اهلي عشان يرجعني
ابوي تكلم معاه ليش يرفع صوته ويسب ويهين ويغلط يرمي اللوم علي هي السبب تنرفزني تعصبني ماتسمع كلامي فايش ماتسمع كلامك في أسباب تافهه مره
تخيلو مره وصلت فيه طردني من البيت عشان سويت شعر بنتي استشوار كان عمرها ذاك الوقت اربع سنوات
صار يسب ويغلط يابقره يالمجنونه مو قايلك لاتلمسين شعر البنت تروحين تستشورينه ويصرخ زي المجنون لدرجه كنا عايشين مع أهله ومن الصراخ أهله تجمعوا عند الباب وأمه كسرت الباب من الضرب فتحت لها صارت تصرخ هي بعد نفس ولدها وتقول جننتي ولدي ومرضتيه بتجلطينه وانا رديت عليها علمي ولدك لايصرخ عشان لاينجلط وصار زوجي يطردني ويقول انقلعي برا ودقيت على اهلي وجلست عندهم اربع شهور وجاء عند اهلي أكثر من مره وكلم خالي وكلم عمي عشان ارجع له ورجعت له بوعود انه يمسك لسانه ومايرفع صوته وأمه ماتتدخل
وبعدها بفتره رجع للشي نفسه وزعلت عند اهلي وتفاهم معاه خالي وأخذ منه وعد أن مايسب ومايرفع صوته ويتعامل باحترام وعشان خاطر بيننا أطفال كان ذاك الوقت عندي بنت وولد ونفس الشي كم يوم ويرجع لمعاملته
الولد كب حليب أو عصير بالأرض ولا شخبط بالجدار وانا مشغوله اطبخ غداء أو امسح أو اكنس أو اغسل ملابس يعني احوس في البيت و يبهذلني ويمسح بكرامتي الارض انتي يالوسخه انتي ماتستاهلين شي ماتستاهلين مكان مرتب انتي يحطونك في زريبه غنم يع عليك وعلى اللي بشاكلتك
وربي اني ماالحق اتكلم معاه حدك لاتغلط احترم نفسك والله لو بتغلط بغلط عليك واهو يهينني ويسب جد جدي ويرمي كلام زي الصواعق ياوسخه يامسخره ياغبيه
الله يلعنك يالملعونه لعنات عليك وعلى وجهك انقلعي
صرت اصرخ وارجع له نفس المسببات ومرات كثير امسك اعصابي وصرت مجرد يبدي بالنوبه الهستيريه حقته افكر بأشياء ثانيه عشان مااصرخ معاه و واستغفر بداخلي واقرأ المعوذات بقلبي وااتجاهله لين مايخلص السب والشتم واللعن ويروح لاني لو قفلت الباب يكسره علي
مره من المرات من ٦ سنوات تلفظ علي بكلام جارح وضربني على عيني ودقيت على اهلي ورحت اخذت تقرير من المستشفى وشكيته بالشرطه وكتب تعهد انه مايتعرض لي ولايمد يده وتنازلت عنه
ورجعت عند اهلي وحقرناه شهور وامي ماكانت تبيني ارجع وقتها كان عمري ٢٢سنه وكنت ادرس بالجامعه واضطريت انسحب من الكورس بسبب عيني مااشوف منها ودخل رجال كبير من اهله عشان يرجعني ورجعت معاه بوعود بعد ٦اشهر زعل
أولادي يحزنون من يشوفونه يصرخ يجيبون لي مويه ويحضنوني وهو مستمر بالصراخ بنتي الأن عمرها ١١ سنه وولدي ٩ سنوات وولد ٦وولدي الصغير سنتين والله العظيم حتى موانع الحمل دخلنا بمشكله فيها واجبرني احمل واترك المانع و يصرخ اروح وامسك يده واقوله تعوذ من الشيطان يقولي انتي الشيطان الرجيم اقوله استهدي بالله وقفل الموضوع واهو مستمر انقلعي ضربي راسك بالجدران انتي كذا وانتي كذا
اليوم سبني لين قال بس عشان قلت له نفسي بفوم احطه ع الاقل بمدخل البيت والمجلس ماخلى انتي غبيه ومجنونه وووو و تبيني ازخرف الجدران واترك الأشياء الاساسيه والله العظيم لو قالي لا باحترم بسكت لكن أنسب عشان فكره أو شي بغيته.. احنا سكنا ببيت من سنه ونص وبيتي يبيله أثاث وماهو راضي يحط شي في البيت وفلوسه يجمعهم يقول ماندري بالظروف الفلوس سند حاولت معاه نحط كل شهر شي ابد يقول ماني ملحوق وليش احط شاري البيت يخدمني ولا اخدمه ومن هالكلام وبصراخ وسب والحين سالفته الضريبه
انا سجلت بحافز البحث عن عمل وفكرت ادخل بجمعيه بفلوس حافز واستلمها بالبدايه واثث لو الأشياء الضروريه في البيت دفعت بالجمعيه ٧٥٠٠ ومفروض بعد شهرين استلمها وباقي ادفع لمده سنه مجموع المبلغ ٣٠ الف اللي باقي وفجأه حافز اقطعوه عني وصرت غير مؤهل كلمته يدفع عني الجمعيه وياخذها هو يأثث فيها البيت لعن شكلي وأهلي وفصلي ليش تشتركين بجمعيات وتبلشينا مع الناس يامريضه يالمجنونه وبعدها بكم يوم قالي خلاص بدفعها وبأثث البيت هذا من اسبوع ويوم جبت اليوم موضوع الفوم بدأ بموال الصراخ والسب والشتم انا تعبت من هالانسان مرات اقول هذا طبع أمه ربته على الصراخ وعدم الاحترام لأني شفتها أكثر من مره تتعامل بالأسلوب هذا مع اعيالها ومع الخدامه لين ماهربت من بيتهم
ومرات اقول انا من أبسط حقوقي عليه الاحترام
ودايم اسأله تعامل الناس أو اللي معاك بالدوام او مديرك بالأسلوب هذا؟
هل تقبل اغلط عليك واصرخ في وجهك على أدنى شي؟
هل تقبل اختك زوجها يهينها ويصرخ عليها؟
خلينا ننفصل وكل واحد يروح في حاله إذا بنستمر كذا
يقولي روحي إذا مو عاجبتك عيشتي وخلي عيالي
انا انسانه ماحب اغلط في احد أهلي ماربوني ع الكلام البذيء وعدم الاحترام اتحاشاه قد مااقدر خلصت الجامعه رغم المشاكل والهم وأخذت دورات ودبلومات عشان ابتعد عن جو النكد والصراخ واقف الأن في وجه وظيفتي مايبي اختلاط ومايبي شفتات وانا ما ادري وش اسوي معاه ماودي اتطلق منه بعد كل هالسنوات وأطفالي مابيهم يتعبون نفسيا من ابوهم
اقول يمكن يكرهني وردات أفعاله انه يكبر الأمور بسببب الكره لكن حتى الأطفال يعاملهم نفس المعامله يصرخ عليهم ويسبهم و الاقيه بين فتره والثانيه يكتب لي رسايل واقراأها مضمونها أنه مايقدر يفارقني
واتذكر كنت القى في كتبي ايام الجامعه أوراق صغيره راجعي للاختبار زين انا تنرفزت معاك أمس لكن بتضايق لو ماحليتي زين ومحتفظه ببعضها فيها اعترافات غلطت في حقك وعصبت لكن انتي السبب وفي النهايه يكتب انا زوجك واحبك واخاف عليك والله لايحرمني منك وعلاقتنا الخاصة مره زينه
انا تعبت منه احاول اتذكر هذي الأمور عشان أهدأ الأن من طلعت رخصة صرت اغيب عنه اروح لأهلي أكثر من يومين بالاسبوع وارجع ع الساعه٧ أو ٨ المغرب مابي اجلس معاه كثير ونتهاوش..
يتصل علي وانا عند اهلي يسولف معاي وبعدها يسأل متى تجيين البيت
وإذا رجعت يحضني ويقولي وحشتيني
وبعدها ولدي الصغير يكب شي او يخرب البيت أو عيالي الكبار يتهاوشون و يبهذلني ويشخط فيني
برأيكم في حل؟؟

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d uwfd ,dajlkd ,dsf higd ugn Hjti hgHsfhf

اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك