لا اعرف كيف ابداء بشرح ما اعانيه وهل هي مشكلة واحدة كبيرة ام عدة مشاكل صغيرة هجمت علينا وهل هي جديدة ام قديمة فانا الان تائهة في عقلي وحياتي ..
متزوجة منذ مايقارب 4 سنوات عشت فعليا مع زوجي تحت سقف واحد ما يقارب سنة ونصف متقطعة واطول مدة كانت 9 اشهر بداية زواجنا ثم تفرقنا بسبب ظروف العمل والدراسة و ثاني اطول مدة وهي الان اعيشها مدتها 7 اشهر تقريبا ..
اكتشفت ان زوجي (( هذه وصف لصفات فيه وليس سب او تنقيص )) أناني .. منافق .. يحب نفسه . وان زواجي منه كان هدف حققه وبدا يمشي لتحقيق باقي انجازاته ،، استنتاجي لهذه الصفات كانت بسبب عدة مواقف ..
بما اكون بالبيت او لوحدنا واطلب منه طلب او خدمة يرد معبس الوجه واحيانا يسفه واحيانا يمن لكن لما اطلب منه ونكون عند بيت اهلي يغدق بكلمات المجاملة والرضوخ اماماهم !! طيب انا احق بهذه الكلمات ان تقال لي وقت حاجتي لها ودايم اقول له احتاج منك كلمة حلوة ابي اسمع منك لما اطلب منك او اعمل لك شي لو نقول على الاقل شكرا لكن لا حياة لمن تنادي !! احيانا ابكي من الالم جنبه عالسرير وهو عالجواله ولا كان جنبه شخص يتالم !!! ويكبي من شدة الالم اذا قال اودك مستشفى بذلك اكمل واجبه تجاهي وبراء ضميره !!
حاليا يمر هو بظروف مادية وعائلية مع اهله قال لي كلمة صدمتني !! قال بستاجر لاهلي بيت واروح عنذهم اشوف حاجاتهم و انهي عقد اجار شقتنا وانتي اجلسي عند اهلك انتي حامل وتعبانه !!! تخلي عني ببساطة وكل ماقوله انا لي حق عليك انا اللي بذمتك اهلك فيه عنذهم اخوان غيرك وكل واحد عايش حياته مع زوجته ومطنش المشاكل وراميها عليك !! انا وين حقي منه ؟ رده لي لا تقارنين نفسك بامي والدنيا دين بكره يجوني اولاد يتخلون عني !! انا ماعمري قلت له تخلى عن امك اقوله رح عندهم كل يوم من المغرب لين وقت النوم ودايم اقوله لا تخليهم لدرجة عرضت عليه مبلغ عندي مجمعته بسيط غلشان يساعذ فيه اهله ودايم اقوله لا تنسى امك اسمع لها انتبه لها شوف خاطرها !!
وفوق هذا كله هو شخص كذاب يكذب بكل شيء صغير تافه جاد الكذب عنده مثل شرب المويه !!! ويتسرسل بالكذبه ويصدقها !!! مثال بسيط جدا !! يوقف السيارة مقابل باب البيت و اشوفه انا من شباك الغرفة مره سالته وينك قال بالطريق !! وهو واقف قبال البباب ! وتكرر صرت اراقب الشباك وحصلته يوقف بالنص ساعة على اقل تقدير كل يوم قبل لا يدخل مثال ثاني احيانا اكلمه واعرف انه بالسيارة اسمع صوت السيارات اقول وينك يقول عند امي ! اقوله انت تسوق يقول لا !! هذه امثله بسيطه مابي احط امثله اكبر منها .. مره وارني مشروع (( ماقدر احدد نوعه )) وشرح لي نقطه نقطه كيف بداء وكيف انهاه وكيف تعب عليه وان السهر اللي كان يسهره الايام اللي راحت كلها علشان بخلصه ويكمله .. بعدها بفتره اتفجاء ان هالمشروع بكل تفاصيله منتشر في الانترنت من سنين ويملكة شخص اخر !!
نقطه ثانية النوم !! ماينام الا بعد الفجر كل يوم !!! ماينام في اليوم الا 4-3 ساعات !! ودوامه يروح له متى مابغى ! مره يروح 8 ومرات يروح 11 !! احيانا عنده فلوس واحيانا يتسلف ! مايعلمني اي شيء يخصه مستحيل اعرف كم عنده او كم يملك والفتره الاخيره بعد كورونا صرت انا اصرف على نفسي ومايفكر هو يمد لي مبلغ او يعطني شيء !!!ماقدر اطلب منه لاني اتعب نفسيا اذا طلبت وهو محسسني انه عليه ديون العالم !!
بديت اشك انه يتعاطى !! لكن طول وقته بالبيت جالس بس ماينكلم معاي على جواله !! او عنده مرض نفسي او عقلي !! طلبته اكثر من مره نروح قلت له علشاني انا محتاجة اروح هو رافض !! ايش الحل بالله !!!!!!!!
محتارة وكلامي مكركب مادري ايش اسوي مشاكل حياتي الخاصه فوقها مشاكل اهلي اللي لها سنين احس اني بديت اوصل مرحلة افكر اني انهي حياتي فيها
.,[d sff juhsjd !! hl id odhghj !!!!!!!
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك