خيانة زوجي غريبه جدا وجهوني للقرار الصح ،،،،

[ربيع الفردوس الاعلى و روضة القران]

خيانة زوجي غريبه جدا وجهوني للقرار الصح ،،،،

سالتكم بالله تقروز موضوعي كامل لانه صعب جدا علي ومحتاجه احد ينورني


متزوجه من خمس سنوات عمري 35 وزوجي 36

عندي بنتين وولد

اعاني من مشاكل زوجيه كثيره وخصوصا خيانات زوجي المتكرره اللي مالها تبرير الا انها نزوةه

في بداية زواجي اكتشتف ان زوجي له علاقه مع مرت اخوه خيانه جسد ولما كشفته
واجهته وانكر ولكن اعترف وقر لي انها اخر مرة واعطاني وعود الا يكرر هذا الفعل

وفعلا كان صادق وابتعد تماما عنها وصار وقته كله معي وصار طيب للمعلوميه تعامله

معي حلو وراءع جدا لكن العيب اللي فيه خياناته انا ماعمري كشفت عليه شي او فكرت افتش جواله

الا اذا حصلته متغير مثلا يتوتر طول اليوم معي يحس بقلق يكره الجلوس بالبيت

يتضجر من اصوات عيالي وقلت اكيد فيه شي رحت فتحت جواله وياليتني مافتحته ادمرت حياتي كلها

من كثر ماشوف البلاوي بجواله ولقيته متفق مع حرمه ع مكان يطلعون له وواضح بينهم شي حرام

لان له فترة مايقارب اربع شهور رفض يلمسني انه خايف على انه تعبان وانه مريض
وفيه عين ومحسود

وعلى طول واجهته بالقوه وبروح لاهلي بس مسكني وحلف علي انها نزوة بعمره وانه انا ام عياله

ومايلقى مثلي بالاهتمام والترتيب والاحترام بس هو يقول هذي نزوة ووعدني يتغير وسترت عليه

مابي صورته تهتز قدام اهلي لانهم جدا يحبونه ويحترمونه

ولازلت طول الخمس سنين اللي عشتها معه مايتوب من خياناته مرات مكالمات ومرات مسجات ومرات

يروح لخطابات مسيار يالله ياكمية الالم والتعب النفسي اللي اعيشها معه

للمعلوميه كتبت موضوعي هذا بعد ماقدرت اشد على روحي واكتب عن شي
حطم كل معاني رجولته قدامي

وجلست اجلس معه جلسه مصارحه اني اوعده ماقرب لجواله وافتحه وان هو يفتح قلبه
لي ويقول لي وش يبي مني ووش اسوي له

وقال لي انه من تزوجني ماعمره حبني ولايفكر يخسرني عشان عياله

بس انه يحس انه انا منفوسه لواحد كان يبيني قلت هذا كلام كله كذب بكذب وماهو صحيح وانت

اول رجل بحياتي ولكن للاسف انتهينا انه يشك بنفسه انه معيون او فيه نظره

وقلت له روح لشيخ يقرا عليك وتنهي كل معاناتك ووافقني الراي وانا من قلت له روح لشيخ

ثاني يوم قال طيب لقيت شيخ بحايل وجهزي نفسك عشان اوديك لاهلك وراح لحايل وانا من الجنوب

ووصل حايل وقلت بشرني وش صار معك قال
مواعييد وبعد العصر موعده
ارسلت له وش صار بعد العشاء بشر قال اعطاني علاج اكله واشوف ويصير معي

شكيت بكلامه ونغزني قلبي قلت صور لي بالسناب انك بحايل وطنش كلامي يقرى ويطنش

وحلفت بالله ان ماصور سنابه انه بحايل ينتهي موضوعي معه وتجيب الرجال خبر مكانه

واعلم اهلي

صور لي بالسناب انه ببريده هنا انا انهرت وبكيت وحسيت احساسي بمكانه انه مو رايح لشيخ رايح

لحرمه

وحلفت ان ماجاء الليله لينتهي كل شي واعلم اهلي ويجيبون خبر روحته المهم انه سافر ع طول ووصلني ثاني يوم لاني بالجنوب واكيد المكان بعيد ولما وصل ووجهه مليان خيبه وفشيله وضميته وقلت

سلامة الاسفار

وبس جالس منزل راسه ومقفل ثوبة برقبته وقلت فك طقاق ثوبك ليه مقفله قال طيب

جهزي اغراضك بنروح نتمشى قلت غريبه مي عوايده وظلينا ثلاث ايام وهو يغطي رقبته وعشت هواش والم ومواجع وحلفته بربه ليه رايح لبريده قال رحت لشيخ

واصريت يفك ثوبه ورفض وقلت له بالصدفه انا شفت برقبتك اثر بوسه من وين قلتها وانا والله كاذبه ماشفت شي

قال مافي شي قلت خلاص فك رقبتك انا سامحتك ورفض يفك رقبته وظليت كل الثلاث ايام ابكي حاسه انه زاني بحرمه وحلف لي بالله مالمس حرمه ابدا ولازني

وفتشت شنطته ولقيت معه مزلق وشال حق بنات وسالته انا حلفتك بالله تعلمني ووين رايح

واانا بحل وضعي معك بهدوء وننتهي من المشاكل اللي نمر فيها وارسلتك لشيخ تعلمني وين انت رايح وش المزلق انت زاني بحرمه راسي وقتها بينفجر وكم مرة ابطلع من البيت يمنعني ويترجاني انه ماطلع من بيتي وقلت يالله ماطلع حتى اعرف
مصير االاغراض هذي وش وقال والله انها لي واغراضي والشال هذا قديم بالسيارة ورى قلت له ليه ماطلعته من زمان

المهم كلما ابي اطلع يمنعني ويرفض وقال امشي اوديك تسيرين على امي ولما رحت سيرت على امه

كان لابس هو ترينق رياضه وفعلا طلع حدسي بمكانه طلعت برقبته مصه حمراء ولما شفتها على طول قام من امه وطلع وارسلت له شفتها بس علمني انت لك علاقه بوحدة اذا تبيها علمني انا ماقدر اعيش معك
خفت انه متزوج زاني مسيار اي شي ماقولكم كمية الالم اللي عشته مررره الم انا لي ثلاث اسابيع اكيد تستغربون من ردات فعلي ووالله انها كلها صياح وانهيار نفسي وحتى عيالي اكتءبوا معي

وبكيت فجاءه عند امه سالتني وش فيه علمتها انه يقول لي انه بيتزوج وكذا حلفت امه انه ماهو متزوج وان الحرمه ماتتخبى تطلع وانه بس بيضغطني امه عجوز كبيرة بالعمر ماتدري وش يعني بوسة الرقبه اللي موجودة عليه واصلا ماشافتها بس تحلف لي ان ولدها يمزح علي وانه لاقيني احبه ويلعب باعصابي بس هي ماتظري انه لقيت معه مزلق وشال وبوسة رقبه وقالت لاتوسوسين مايلقى مثلك

رجعنا من الزياره ونومت عيالي وجلست معه جلسه حقيقه وبدون مابكي قلت طلبتك تعلمني وتريح لي قلبي

انا كملت اسبوع وانا يوميا ابكي وباليوم ابكي اكثر من المرات وانت تشوفني

ريح لي قلبي اذا انت متزوج مسيار او متزوج بالسر او زنيت بحرمه تحلف لي بالله وتقول الصدق

قال انا والله العظيم مالمست حرمه ابدا قلت له احلف لي بالله العظيم وبشرف بناتك

لايصيبني من فعايلك بهن شر قال والله العظيم وشرف بناتي مالمست ولازنيت مع حرمه

قلت الاغراض اللي بشنطتك وبوسة الرقبه والشال ومزلق وحبوب منشط جنسي لمين ريح لي قلبي ماراح افتعل معك مشاكل ابدا

وانا والله مراح افضحك لكن ريح لي قلبي وعلمني ليه رحت لبريده والله اني اطلع من حياتك

بدون فضايح واستر عليك من كل شي بس تعلمني
تذكر انا وياك جلسنا مع بعض وناقشنا امورنا واتفقنا على كل شي انتهينا تروح لشيخ


انا وانت حياتنا نبيها تتغير للاحسن ليه كسرت لي قلبي لي رحت ورجعت لي بالخيبه ..

انت رافض تعلمني لكن خطاك هذا مايتحمله الحمار وانا فعلا ماقدر اكمل حياتي معك ورحت فعلا جمعت اغراضي وكل شي يهمني

قلت يالله ودني لاهلي قال انا غلطت بحقك كثير وانا والله ماستاهلك وماقدر اسعدك معي

لكن سامحيني والله انا اخاف اعلمك ليه رحت لبريده تجي مشاكل اكثر قلت خلاص انا راح اكلم اخوي اصحابه كثار ببريده وراح يجبون خبرك

وبستامن اخوي على سري لانه يعزني كثير

قال انا والله العلي العظيم مازنيت باي حرمه وشرف بناتي

بس بريده اغلب اللي فيهم لواط

يالله يوم قال لي كذا جاني شعور غريب مانصدمت على كثر مانصدمت ماتت رجولته قدامي

وماحسه رجال وبثلاث اسابيع هو نحف نحف غير طبيعي صار مررره نحيف

وقلت خلاص لي اني بروح لاهلي لاني فهمت منه انه يمارس اللواط وحلفني ماخليه واساعده


انا لحظتها سكت وقلت له مايطلع اي مكان لكن للاسف يطلع من الاستراحه من البيت من الساعه 6 العصر ويرجع لي ١ الليل

امانه انا اعيش بحيره معه البارح قلت له قول انك ماتبيني لاتقول ماحبك وماخسرك وعيالك والله اخليك تشوفهم

وشوفني على كثر صدماتي منك سكت وسترت عليك والا لما اقرى ردود لحريم لما تكشف خيانه زوجها تهرب عنه الا انا

قال والله مالقى مثلك بالدنيا لكن لوتروحين لاي مكان انا الحقك به كلما اطلع من عند الباب

يردني ويترجاني وانا والله اني احبه واحب تعامله مع عياله ومايقصر بالبيت ولاشي لكن الخيانات

دمرتني

سوالي امانه معكم هل هذا فيه امل ينصلح والا لا فكرت بالطلاق والحمدلله ماني خسرانه شي لكن

والله حيرني قلبي لاني فعلا احبه واحب كل شي فيه الا الخيانات احسني غير عن كل الحريم كلما اقرى قصص لخيانة زوجها القاه يكلم او يقابل انا لا يطلع ويمارس ويزني ويلاوط مره تعبت :pensive:

وحتى جواله مقفله وصاير حريص معي اكثر من اول تعبت جدا منه

حاليا لي ثلاث اسابيع بعد وقوع المشكله اعيش بقلق وتوتر وخوف ومافيه طمانينه وعدم ثقه وكل ليله ابكي ويحلف لي انه يتغير وماتركه تعبت جدددددا منه

اعتبروني اختكم وعلموني وش الحل

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

odhkm .,[d yvdfi []h ,[i,kd ggrvhv hgwp KKKK

اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك