معاناة
 

السلام عليكم


يا جماعة انا اعيش رعب بخصوص شكلي وشخصيتي
انا ملامحي صغيرة ووجهي صغير ونحيف وشعري طويل وحلو
بس اوقات اشوف نفسي حليوة واوقات ما احس اني حلوة
خصوصا اللي حولي ما احد يمدحني كثير
انا اعرف ان الانسان لازم يثق بنفسه وانا واثقة وراضية الحمدلله
بس بنفس الوقت احس فيه شي ينغص علي هذا الرضا

لمن ابتسم شفايفي اللي فوق تختفي وهذا شي ما احبه
بس باقي ملامحي حلوة الحمدلله

لا احد يقولي سوي فيلر انا انسانه ما احب العب بنفسي
بس ابي طرق عشان اصير ( مقتنعة ) بشكلي
اجي من ناحية الدين واقول الحمدلله بصحتي وعافيتي
بس اشوف مثلا الام لمن تتدور على عروسة لولدها تبغاها جميلة
والولد يبغى عينها كبيرة وشفايفها مليانه

انا اعرف ان رضا النفس وحب النفس يكون نابع من ذاتك مو من رغبة الاخرين فيك
بس احيان الافكار تلعب براس الانسان وتخليه يحس انه غير جميل او غير مرغوب


بخصوص شخصيتي
انا انسانه عندي مباديء وعندي حدود للدين ما اتخطاها
وعندي قناعات كثيرة الحمدلله
بس انا انسانه مو قيادية يعني ما احب اخرج عن السرب
بحيث اشوف بنات كثير حولي ممكن يغيروا من تفكير قروب كامل باسلوبهم وحوارهم
اتمنى شخصيتي تصير مثلهم اوقات
واوقات اقول لا انا كذا وهذي شخصيتي لازم احبها بس اعدل منها في بعض الامور
انا حتى لمن احاور اكون مبتسمة .. فيني خجل يضيع هيبتي

ساعدوني علموني
انا صح او كيف ،
انا اشوف الانسان اللي يكون عصبي او ينتقد ينحسب له حساب
بس اللي يكون هين ولين ومع الجماعة هذا يعني يتم تجاهله
فيه تساؤولات براسي بس ماني عارفة اعبر عنها




اضغط هنا للذهاب لعنوان موضوعنا...