تعقيب للمره الاولى زوجي ضربني وانا نفاس ممكن تواسوني
 

http://forum.z4ar.com/f116/t545603.html



انا صاحبة هالمشكله ، ياجماعه انا منهاره ومتحطمه بشكل فضيييييع تعبانه مره ، احس اني انجنيت وبلحظه يمكن اخسر آخرتي ويغضب علي ربي ، الشيطان قاعد يلعب براسي ، انا تطلقت هو مايبيني وكارهني وطلقني بالثلاث وشاتني برجله وضربني وطردني من البيت و موضوع الضرب موجود الآن بالنيابه ، اهلي ياناس كرهوني بنفسي وكرهوني بحياتي جلست اول شي عندهم 10 ايام بعدين تضايقو مني ومن عيالي وطلعت اخذت شقه بعدين رجعت لهم قلت خن اوفر فلوس سكن وجلست امي تهاوشني يوميا تجيب طاري طليقي وتقول ارجعي له وتدعي علي تقول الله لايسامحك الله ياخذك والله من كثر ماهاوشتني كان نفسي امسك سكينه واقطع رقبتي بعدين قلت مو مستاهل اخسر آخرتي عشان تطلقت، طيب انا وش ذنبي وتقول مافيه اكبر من هالمصيبه الا هي الطلاق قلت وش فيني انا معوقه او عميا فيه مصايب اكبر بالامراض فقررت اطلع مره ثانيه ورحت شقه والله تعبت وانا انقل عفشي ، والحين تجيني افكار ابي اصلح عملية تجميل بخشمي مع انه مو كبير مره وسط يعني بس خايفه من لعن ربي ويغضب علي واخسر جنتي عشان خشم عشان اهلي دايم يحطموني ويقولو محد رح يتزوجك وانتي قبيحه ولدرجة تعرفت على واحد وارسلت له صورتي عشان يمدحني 😞 و طلعت معاه كوفي وبعدها حسيت قامت تجيني افكار من الشيطان اني اغلط وخفت ربي ياخذ روحي وانا معاه على معصيه وقطعت العلاقه بسرعه ، وانا متفائله ان ربي بيعوضني بزوج صالح لأن تركت هالانسان عشانه ، بس الحين والله كارهه نفسي مره وبس افكر بعمليات التجميل بوجهي و بجسمي ابي اسوي شد بس الجسم عادي بس الوجه تغيير لخلقة ربي ، اتمنى اني اقتنع بشكلي مع ان فيه ناس يحبوني يشوفوني حلوه صديقتي تشبهني بممثله تركيه اسمها نسرين جواد ، اكتبو بقوقل نسرين جواد قبل عمليات التجميل شكلها القديم نفس شكلي ونفس خشمي و طليقي بعد ماقد عاب شكلي او خشمي كان يشوفني احلى منه ويمدحني مره اذا حطيت مكياج وتكشخت
بس اهلي اللي يحطمون وكانو يشوفو طليقي كثير علي عشانه ضابط وراتبه عالي مع انه يضرب وعنده علاقات محرمه واخلاقه سيئه ، صار لي شهرين متطلقه وامي مزعجتني تبغاني اتزوج بسرعه تحسب انخلقنا بالحياه عشان نعبد الزوج واللي تتطلق خارج المله تصير ، انا الحين بس متضايقه ابغى اقتنع بشكلي ومااصلح عمليه لخشمي ، الحين انا اللي اخاف انمص حواجبي عشان مايلعني ربي صرت ابحث بالنت عن دكاترة تجميل للأنف !! مصدومه من نفسي ومن افكاري وكل شويه تجيني افكار اطلعي مع اللي تحبينه واغلطي عادي ان الله غفور رحيم عادي بس عارفه بيجيني شعور خايس بعد مااغلط وبكره نفسي وبندم ، قد انه مع زوجي بالحلال وندمت كيف لو بالحرام بس لأن فيني فراغ عاطفي بشكل فضيييع مو من الطلاق لا والله من وانا متزوجه 5 سنوات ماامتلى هالفراغ للاسف الله يعوضني خير وانا الحمدلله اني عاقله وعارفه ان اغلب الشباب مايمدحو البنات الا عشان يستدرجوها حتى لو كان المدح كذب تكفون اقنعوني و واسوني احس اني مو بعقلي وبعدين انا موظفه وجميله وقويه و رح اعتمد على نفسي بكل شي بالسكن والمقاضي وشايله اولادي اثنين وشايله الشغاله ومصاريفها مااعرف ليش اهلي يشوفوني ولاشي يعني اقصد اذا تزوجت بتزوج عشان يكون شريك حياتي ويحبني ماابغى منه فلوس اقصد لو موظفه كان محد تزوجني عشان مايبلش بمصاريفي ، الحمدلله ان الرزق بيد ربي مو بيد امي وابوي




اضغط هنا للذهاب لعنوان موضوعنا...