تائهه واحتاج الى مشورتكم
 

السلام عليكم ورحمه الله وبركاته - ترددت كثير قبل كتابه مشكلتي لكن محتاجه افضفض لكم واسمع مشورتكم انا متزوجه من 9 سنوات عمري 31سنه ولدي طفل واحد عمره 7 سنوات ومن بعدها لم ارزق باطفال لحكمه الله وحده يعلمها
اول زواجي كانت ظروف زوجي الماديه سيئه جدا جدا كنت صابره وراضيه بعد سنتين جاء الفرج الحمدلله وتوظفت ومرتبي ممتاز تغيرت حياتنا كليا لم اقصر معه في كل ظروفه ساعدته ماديا ونفسيا واجتماعيا باعترافه هو اصرف من مرتبي على نفسي وعلى طفلي والعامله واعطيه اذا طلب
المشكله من سنوات ولكن قاعده تزيد -
اصبح زوجي بعييد عني عاطفيا اشعر انه غير متقبل وجودي في حياته جدا متكبر علي يجلس فالبيت بالساعات ولا يكون بيننا اي نقاش فقط على الجوال تصدقون يمر يومين ثلاثه بقوله موضوع بسيط مو قادره وهذي الفجوه قاعده تزيد طلباتي كلامي مزحي كلها صايره ثقيله جدا عليه جلست معاه جلسه مصارحه وسالته عن السبب ورد على رد جرحني اكثر يقول (انتي تكبرين الموضوع و تهتمين على كل شي انا ماهتم
وبالنسبه لطالباتك بصراحه اشوف ان طلباتك تافهه وبلا لزمه ، انتي حابه بس تقولين شي انفذ على طول حابه تمشيني على مزاجك ) انصدمت من رده وانه يشوفني بالطريقه هذي والله طلباتي قليله جدا وجميعها تقريبا من حسابي احتاج منه مشوار السياره اقوله طيب اطلب من تطبيق يقول لا اقوله ممكن اعرف السبب (يقول كيفي بيتي وانا حر ) - واسفه على الكلمه لكن كلامه في النقاش معي كذا
رافض تماما موضوع قيادتي للسياره مقفل علي من كل الجهات ومن فتره قصيره اعتزل غرفه النوم وينام في مجلس الرجال يعني اصبحنا مثل الاخوان اذا سالته ليه يسوي كذا ماعنده اي تبرير واذا اصريت يبدا يهاجمني بكلمات مؤذيه مثل ( سكري الموضوع - مو فاضي لنقاشك - روقينا )
انا اشوفه كويس مع الناس من اهل واصحاب لكن معي مختلف تماما
مؤخرا اقنعني يعمل لي تنازل للقرض العقاري وابني بيت لنا على راتبي بحجه انه اعلى من مرتبه - فكرت فالموضوع وبما ان البيت راح يكون باسمي وافقت وتحملت القرض
انا بعد البيت حرفيا مستقله تمام الاستقلال عنه - حتى موضوع الاطفال كنت مفكره اتعالج لكن بعد الازمه اللي قاعده تكبر بيننا صرفت نظر ممكن خيره ماحملت ثاني
انا لم اطلب منه الا حسن المعامله وللاسف كل يوم تزداد معاملته سوء معي وانا بديت اطفشش وامل منه
افكر جديا بالطلاق واكثر مايحزنني طفلي متعلق جدا بوالده اعطوني رايكم هل اطلب الطلاق ؟
التفكير اتعبني يمكن تشوفون ان مشكلتي تافهه لكن والله العظيم انا تائهة وزوجي اتعبني نفسيا وفقدت ثقتي بنفسي
اعتذر جدا على الاطاله




اضغط هنا للذهاب لعنوان موضوعنا...