وصلت للطلاق خلاص
 

السلام عليكم
بعرض مشكلتي بختصار متزوجه من 6سنين وعندي بنتين صغار كانت حياتي ولا أحلى معاه
وفجأه السنوات الاخيره صارت المشاكل وسوء الفهم ويعصب كثير ويزعل من اتفه شي تحملت نفسيته وحاولت اتحمل اكثر بس خلاص تعبت ..

المشكله الاخيره صارلي عند اهلي معلقه خمسه اشهر بسبب مشاكل مع زوجي بسبب اهاناته وظربه لي وعدم احترامه لي من الثلاث السنوات الاخيره .. كنت دايم اقوله ودني لأهلى وقت ماتصير مشكله عشان تهدا النفوس وكان يرفض واقعد الين ارضى من نفسي ولاكان يعتذر
ولما كانت تصير مشكله كنت اتصل على ابوي كان يترجاه يجيبني عشان اهدى ويحل المشكله كان يرفض وعذره دايم الزوجه تطيع زوجها مهما حصل ولاتطلع من البيت ..

الي حصل قبل 5شهور صارت مشكله كبيره وضربني كف واتصلت على وقال اصبري شوي حتى اشوف حل
وسبحان الله جتنا فرصه وزوجي كان عنده دوره عمل خارج المدينه لمده يومين وسافر وقتها اتصلت على ابوي
وقلتله تعال خذني وجاء اخذني وسافرنا .. لما عرف زوجي جن جنونه واتصل علينا وجاء يبي يحاول يتكلم لكن ابوي رفض يقابله ويتناقش معاه لا وقتها كان الجو مشحون والتفوس ماهدت

سافر زوجي وزعل وانقطعت اخباره عنا ولاعاد اتصل ولا سأل وتركني معلقه
قبل يومين ارسل انه بيطلقني وتحسب علينا لأنا اخذنا البنات وحرقنا قلبه وقال انتو خليتهم ايتام وقالي تحملي مايجيك لانك طلعتي مشاكلنا برا وشتتي البيت وطلعتي بدون اذني وكلام كثيييير فيه لوم لي

انا انجنيت وتعبت نفسيا على طول كذا بيطلق ولا حتى كان يحاول يصلح المشكله وخلانا مجرمين وشتتنا بيته واطفاله

الحين بعد رسالته خلاص بيطلقني وش اسوي اعلم اهلي ولا اسكت ولا وش الحل تعبت خايفه من الطلاق
مهما كان هو فيه ايجابيات وعشت معاه ايام سعيده بس المشاكل كثرت وخرجت عن السيطره وهذا الي خلاني اتعب تفسيا واسافر عند اهلي




اضغط هنا للذهاب لعنوان موضوعنا...