امي وابوي
 

السلام عليكم،
انا بنت متخرجه من الجامعه من سنتين، بعدي مالقيت لي وظيفه.
انا من مراهقتي الي ان وصل عمري 20 سنه وانا مو قريبه وايد من هلي اكثر شي صديقتي، بنت بالتحديد كانت صديقتي من ايام الثنويه كنت كله اطلع معاها و اكلمها بشكل يومي اقل شي ساعه باليوم اذا مافي امتحانات او شي مهم بالمدرسه او الجامعه وحتي خلال فتره الامتحانات اذا عندي بريك ادق عليها و صرت كثير متعلقه بهالبنت لان ماكان عندي شي يشغلني غير دراستي و سوالف وضحك معاها المهم لما وصلت ثالث سنه جامعه صارت لي معاها مشكله كبيره بتغاضي عن قولها في هاذا المنتدي لكن انا تركتها تماما و صح كان صعب شوي خاصه ان كنت امر بفتره صعبه وماعندي حد اكلمه ومتعوده اقولها كل شي لكن بنفس الفتره و بنفس التوقيت حتي باليوم الي احتجت فيها صديق اقوله مصيبه صارت لي تخلت عني و اكتشفت انها لها ايد بالي حصل بدون علم منها . خلال ذيك السنه او سنه ونص تعرضت لضغوط كثيره من كل النواحي و رسبت بمواد كثيره لدرجه صرت ع حفه الطرد من الجامعه، مابطول معاكم بالموضوع بس زبده الموضوع عالجت نفسي الحمد الله واهلي بالتحديد امي وابوي وقفو معاي وساعدوني و ماصار عندي اصدقاء غيرهم وكل يوم نطلع مع بعض ووتعلقت فيهم وايد بالذات امي لان ماعندي حد غيرها لكن الحين بعد مرور سنوات صرت كله اتضارب مع امي او اقعد زعلانه وماكلمها وتجي تراضيني. المشكله مع امي هي انها مريضه و فيها وايد امراض البلا ،تنفس ،و ركبه وقولون وضغط وسكر كل هاذا وهي عمرها ماتعدا ال45 سنه، واخوي الصغير عمره 10 سنوات كل يوم يسبها و يضربها و يجننها و هي تحط حرتها فيني انا وتسكت له ! ودايما اذا قلت لها شي ماعجبها تقعد تنافخ وتسوي ننفسها بتموت وتصارخ علي ! حتي لو مريضه الشي منفر صار وانا بعد عندي قدره علي الاحتمال، وابوي متضايق من كثر مااطلع معاهم كله يقول قومي نطلع بدونهم >يقصدني انا واخوي ، اعرف عادي ومن حقهم بس الشي يجرح لما مايكون عندك حد والشخص الي ترتاح له يقول هكذا.
المهم انا قررت ابتعد عن امي وابوي بس مااقاطعهم مجرد اكلمهم اذا شفتهم والباقي اكلم او اطلع مع بنات كانوا معاي بالجامعه ماكنت مصادقتهم قبل بس كانو زميلات بالدراسه و البروجكتات وبحكم ان كل ماده الها بروجكت فعندي ارقام بنات كثار المهم قعدت اطرش بالواتس حق كل وحده اذا فاضيه نطلع و اشوف ردهم بعضهم عطول وافقو.
لكن المشكله هي ان انا احس الشي صعب اني ابتعد عن حد قريب مني مثل امي وابوي خاصه اني اخذت وقت الين ماتأقلمت لما ترك صديقتي ماعرف كيف اتصرف واخاف يجيني اككتآب وضيق لان ماعندي حد اكلمه بشكل يومي وامي وابوي كل يوم يطلعون برع البيت بعد ماابوي يجي من الدوام فمااعرف كيف بقعد بروحي.




اضغط هنا للذهاب لعنوان موضوعنا...