متزوجة ما كملت سنه و احس ان لنا 30 سنه متزوجين
 

السلام عليكم و رحمة الله و بركاته
باختصار موضوعي واضح انا انسانه عاطفيه رومنسيه و شديدة التعلق بزوجي بس للاسف هو العكس حتى لو عاتبته و طلبته يقضي شوية وقت معاي احس انه مغصوب و غير سعيد و كانه يتمنى الوقت يمشي بسرعة بس علشان يفتك من هالجلسة ما يستمتع و لا يروق الا مع اصحابه و لا يشتاق لي و يفكر فيني الا للجنس فقط !!! احسه متزوجني بس علشان يشبع رغبته الجنسيه و بعدها يتجاهلني ! ما انكر انه يحاول يطلعني و يرفه عني بس احس بملل فضييييييع بحياتي معاه احس دخلت اكتئاب شديد و احس اني عايشه في دوامة فارغة بدون حياة انتظر بس يخلص اليوم علشان اروح انام ! مدري وش سبب عدم اهتمام زوجي بقضاء وقت معي مع اني مهتمه بنفسي و لطيفه و احب اخلق اجواء مريحه في البيت بس سبحان الله كل الحلول و المحاولات معاه باءت بالفشل ! هل معقوله كل المتزوجين حياتهم فارغة كذا و لا يلتقون و يسولفون الا وقت الجنس ؟ و لا حالتنا غير طبيعية ؟ ما ابي نصايح لاني ختمت كل الكتب و الدورات و طبقت كل الحلول و لا في اي فايدة ابي بس تقولون لي اذا حالتنا كذا و احنا ما كملنا سنه كيف بنصير بعدين ؟ و هل هالشيء طبيعي و مع كل الازواج ؟




اضغط هنا للذهاب لعنوان موضوعنا...