أحس بوحده وفراغ كبير رغم اني متزوجة 💔
 

السلام عليكم
انا متزوجة لي سنه و8 شهور، عمري 23 وزوجي 28
اللي مضايقني إن ربي ما رزقني الحمل وذا الشي متعب نفسيتي مره
نفسي واتمنى احمل ابغى طفل يسليني وقت فراغ طويل وكبير بحياتي لدرجه
اقعد اطالع البيت والجدران واتخيل لو كان عندي طفل اقول كان الحين يلعب والعابه متناثره
وصوته مسوي لي حس 💔، حرفيًا الموضوع صاير فوق طاقتي ماعرف ذا بلاء او عقاب الحمد لله على كل حال💔
والشي الثاني زوجي صح طيب وكريم ويحبني جدًا وموفر لي الاساسيات والكماليات الحمد لله
بس مو النوع اللي يطلعني كثير يفضل اصحابه اكثر يطلع معاهم اكثر من مره فالاسبوع
وانا مره فالشهر..صح لما يطلعني يطلعني طلعه محترمه بس انا احتاج اغير جو معاه حتى لو عالبحر او لفه بالسياره ما يشوف قد ايش شي بسيط راح يغير نفسيتي اغلب وقتي انا لحالي
بديت ادخل في حالة اكتئاب رغم اني احاول اتجاهل وفعلا شهور انسى الموضوع بس فجاه انفجر بكى...ما انكر اشياء كثير حلوه بحياتي وربي ورزقني جمال وصحة واهل وزوج ويمكن اكبر همي عدم الحمل وهو سبب حالتي النفسيه السيئه بذات اذا خرجت يذكروني فيه زياده وليه م حملتي وزوجك راح يتزوج عليك! صرت اتخيل اني ما رح اخلف ابدًا وسنين حياتي بتضيع في ذا الهم..للعلم دايما اقول لزوجي نراجع مو معبرني خايف ننصدم من النتيجه وخلاني اتهرب معاه
صرت اقول يارب لو الحياه بتكون شقاء ليا خذني لك وانت راضي عني ويارب لك الحمد على كل حال




اضغط هنا للذهاب لعنوان موضوعنا...