ضربني زوجي ضرب مبرح
 

السلام عليكم ورحمة الله
اتمنى من بعد الله ان تفيدوني ونصحوني وتوجهوني وترشدوني والله وحده يعلم باني احس بالضياع والهم والحيره

بالبدايه زوجي كان انسان حنون جدا علي وعلى اطفاله ووضعنا المادي ميسور الحال وهو من تزوجنا وزوجي يسهر بالاستراحه مع اخوياه لين قبل صلاة الفجر وكان له علاقات وتعارف وكنت كل مره اكتشفه يضمني ويقول نزوه وسامحيني واسامحه لكن من سنه تقريبا او اقل ..

زوجي غير استراحته واخوياه بـ اخوياء غير الاولين وانقلب حاله اصبح يسهر للصباح ومرات الظهر واذا اتصلت فيه مايرد ويقفل بوجهي او ارسل له يقرأ مايرد لعب باعصابي ونفسيتي جدا وصابره على الرغم مؤقنه انه فيه سبب غير حاله
وكنت انتظره ما انام مرات اقول اكيد مسوي حادث لكن انصدم بعد ساعات انه متصل بالواتس ولكنه لايكتب لي شيئا ابدا
وقلت بنفسي دامه متصل اكيد مافيه شي وان هناك امراءه بحياته غيري لكن لا اعلم هل صحيح او لا (( مع ان قريب بعد لقيت له مكالمات مع امراءه وانكرها )) وانا سويت حالي صدقته

خلال هذه الفتره تغير وضعه المادي اصبح سيء جدا وضعه المادي وصارت عنده ديون وقروض
وهنا اصبح زوجي ينام يوم كامل ويصحى يوم كامل .. وصار يضربني كل شهر يمر لازم يضربني والسبب على ليه تتأخر ليه ماترد علي ليه ماتقولي وينك
انا انفعل وابكي ويرتفع صوتي يجي يضربني على طول يقول قصري صوتك لا اريد اسمعه وبالبدايه اول مره ضربني فيها كان كف فقط بعدها تطور صار يضرب باقوى ماعنده لين صار فيني كدمات ودم بيدي وووجهي
لكن انا ماتبت عن حبه وملاحقته واتصالي وسؤالي عنه وشكي فيه
طبعا بتسألون وين اهلك ؟؟ ليه ماتعلمينهم ؟ علمت ابوي وكلمه لكن ماتغير وبيني وبين اهلي مسافه بعيده جدا ولا اقدر اروح لهم الا عن طريق الطيران والان كل شي مقفل
صرت ما اعلم احد ابدا عن مشاكلي اضع سجادتي وابكي وابكي وابكي

فيه مره تاخر وجيته قلت ليش ماتعتبرني شي انا زوجتك ولي وقت انتظرك فيه ليه ماقدرتني اني انتظرك ترضا اسوي مثلك واسوي علاقات انا اتصل فيك وانت ماترد انت رجعت لعلاقاتك وماعاد صرت تشوفني ابدا
وجلس يصارخ انطمي انقلعي انا ماعاد ابيك
وانا صرخت قلت ليه ماتبيني ايش سويت لك عشان ماتبيني قال ان ماسكتي بضربك قلت ماعاد بسكت كل مره تسوي كذا وضربني
الان ايش اسوي ارشدوني ما ابغى ادخل اهلي او اهله لاسباب صعب اذكرها

انا دعيت الله ان ينتزعه من قلبي عشان ارتاح
لكن الان انا حابسه نفسي بغرفة اطفالي لا ارغب باي شي ولا احس بالحياه احس باهانات
ما اعرف ايش اسوي




اضغط هنا للذهاب لعنوان موضوعنا...