|
مشكلتي الزوجيه هل هي من عاطفه او من حسد او فتنه
السلام عليكم ورحمة الله
الله يحفظكم جميع واتمنى من كل من يقرا مشكلتي ان لايبخل عليه بكلمه ولا برائي فلن اجد من افضفضله سواكم مشكلتي انا متزوجه الان12سنه كأي بيوت العالم لاتخلو من المشاكل انا عمري34وزوجي39 بختصر قد ما اقدر زوجي انسان خارج البيت جداً كويس للعالم الخارجي اهلي ومن حولي يحبونه لكن داخل بيته مختلف معي ومع ابنائي مابيننا اي مشاعر مؤخراً عرفت ان مثل حالتنا يسمى ((بالطلاق العاطفي)) انا شخصيتي عاطفيه جداً جداً جداً واكبت داخلي في حال زعلت او تضايقت زوجي انسان مززززززززاجي وبعيد عن العاطفه وعصبي والله اشوف احترامه وحنيته للي برا اكثر من عليه وعلى ابنائي من اول شهر دبت المشاكل بيننا ابتداء من اهله وانتهاء به هو كنت على فطرتي اقبل واسامح كله عشان اشحذ الحب والاحترام منه مرت السنوات كلها والله ماحبيته او حتى تقبلته واحسه شي مجرد فرض علي انا هاديه ولا احب الاصوات العاليه ولا المشاكل وهو على العكس تماماً الاهانات على لسانه حتى حسيتها جزء من كيانه وشخصيته وفوق هذا الامر انطوائي جالس بالبيت وفي المجلس او غرفة النوم لو ما اروح له انا ماهمه وخلافاتنا كثيره على مساعدتي بالتربيه على الاهتمام بنفسه على ضبط اعصابه على انفعالاته ووو يعني على شي يسوى ولكن النتيجه صفر وكنت دايم اقول ليته يموت واعيش من غيره طبعاً اخطائه ومشاكله كثيره صعب ذكرها لكن جميع انواع المشاكل مريت فيها وماكنت اخبر اهلي لاني ازعل داخل البيت وابتعد عنه ونرجع مع الوقت وهكذا هذي بختصار لصوره العامه انا وربي اخاف الله كثير كثير كثير ومحافظه على صلواتي وحتى الغلط ما ارضاه لاي احد لكن احيان احتاج عاطفه وحب وكنت اعيشها بالخيال احط راسي على المخده واقول بس لو اعيش التقدير والاحترام تطورت الحاله وصرت ادخل دردشات وكنت اكرهه الي فيها لان جوهم كله جنس وكنت ادخل انصح احيان واحيان اتكلم واحيان افضفض ومره سولفت مع واحد وكلامه واسلوبه وتفكيره نفس ما اتمنى طبعاً مو احبك وتحبيني لا المستوى الراقي بالكلام رغم كان يجرحني بالكلام بس كان منطقي واتقبله لانه فعلاً اسوي علط بمجرد دخول الدردشه مع الايام حبيته حب وانا ما اعرفه الا بالشات بس وكنت ادعي ربي يصرفه عني وعن قلبي وبكي والله لتعبت اشهر وكنت اتحسب على زوجي لانه جعلني فارغه من جوى كنت اطلبه والله اقول اعطني رساله حلوه منك اعطني كلام حلو احضني غصب عني هذي طبيعة الله فيه عاطفيه ماطلبت من غريب منه هو انا اعطيه من كل مايتمنى بس وقفت خلاص تقلصت حياتنا على((اهتمامي للبيت والعيال وله للفراش بس)) وهو((يوفر لوازمنا)) هنا انا قلت لازم حل تعبت صرت افكر بالانفصال مشاكل+جفاف عاطفي+انانيه توجهت لدكتور بالاستشارات الزوجيه وكان معي ووقف بصفي وقالي عادي حكلم زوجك واعطيه بعض المهام والنقاط فرحت قلت لزوجي رفض قال ناس مصطنعه وحياتهم وهميه وبقي معاي هاالدكتور والله العظيم انه عرف لشخصيتي رغم اني غامضه وما اتكلم الاقيه يقول انتي كذا وكذا انسان يخاف الله وملتزم وراعي دين وهو داعيه استمريت اشهر اخذ منه استشارات لحياتي وطاح قلبي بحب اخلاقه وعقله ودينه ازاداد كرهي لزوجي جداً الومه كثير والله لاني انا كنت اطلب منه كنت اقول سمعني اهتم فيه وووو والله حتى لصحتي ما يهتم ولا لعياله بارد ويتصف بالغباء لا اخفيكم زاد تعبي تعب وهمي وهم وحسيت وجود زوجي بحياتي دمار لي ولديني اخاف ابتلى بسببه قال هالدكتور كلمه لي والله ان زوجك المفروض يحمد ربه عليك فوالله انك حلم لكل من يريد الحياه الزوجيه الحقيقيه بكيت وبكيت رحت لمستشار اخر وحاولت اطلع نفسي اني غلطانه ونفس الشي نفس الكلام الكل منهم يحاول ثنني عن الطلاق واني احاول واحاول حياتي ونفسيتي تدمرت انقلبت بديت اتعب واكرهه زوجي اضعاااااااف تعششت فكرت الانفصال لخوفي ان اقع بمحظور من قلبي يعاقبني الله عليه من تزوجته احاول فيه يحببني بالحياه معه ولكن العكس العكس بتقولون اشغلي نفسك واسعدي نفسك كييف وهو طلعات حدي بيت اهلي ف البيت على طول قدامي اطلبه اروح مكان لحالي يرفض شلون اعيش واسعد نفسي وانا اشوف نفسي اموت بدون ما انتبهه لحالي انا من تزوجته ما ارتحت مشاكل ولايتقبل مني رأي ودايم بعيد عني احيان اقول يمكن حسد لان من نفس اهلي كانو يقولون بختك بزوجك ولاكنت اعلم بعيوبه وكانو يشوفونه زوج نادر من اهله كذالك يقولون بختك بزوجتك جت زوجه واخت وبنت لاهلك وماشيه على مزاجك الان انا بين ودي اتطلق 80٪ بس اخاف من القادم بنسبة30٪ اخاف العمر معه ينقضي كذا لحد ما اطيح من تعبي لا اعلم ماهو يجتاحني بيتي كرهته وهو كرهته هل حسد؟؟ هل مرض؟؟ هل ذنب وهذا عقوبته لاني حبيت غيره رغم انه شي ماهو بيدي والله ولا انا ودي احب احد وانا مازلت على ذمته؟؟؟ والله اني تعبت وحالي ذبل والهم باين فيه تعببببببببت شورو عليه ما ابي تواسوني ابي رد عقلاني ابي احد يقنعني اكرهه زوجي فحسبي الله عليه هو من دمر حياتي من تزوجني من عذاب في عذاب والان في فتنه والسبب جهله وغبائه وانانيته والان مجرد ما اطلع من بيتي ارتاح وودي انسى هالزوج واقسي قلبي واطلب الله ان يعوضني خيراً لما فيه صلاح لنفسي وعيالي حتى عيالي مايحبون ابوهم ولو يبتعدون عنه اسابيع ماسألو عنه تعبت فما الحل؟؟ المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين la;gjd hg.,[di ig id lk uh'ti h, ps] tjki اضغط هنا للذهاب لعنوان موضوعنا... |
| الساعة الآن 11:58 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
mamnoa 2.0 By DAHOM