|
تعبت ومليت 😔
السلام عليكم
اللهم صلّ على محمد انا انسانه مو عارفه من ايش اعاني حياتي كانت طبيعيه وحيويه كنت فرفوشه لأبعد درجه ممكنه ماعندي شي جدّي احب المزح والضحك واللعب حتى بعد ماتزوجت وجبت اطفال تغربت عن اهلي ومريت بظروف قويه ومشاكل كبيره جدا مع زوجي كنت اتعب وقتها وبعدها ارجع طبيعيه واتأقلم كنت ايجابيه بشكل عجييييب ومن كل شي شيء اقول هذا خيره كنت دايم اهوّن على اخواتي مشاكلهم واخليهم ينظرون بنظره ايجابيه لكل شيء كنت كثير اسمع من اهلي انه انتي مريتي بظروف ومشاكل ومع ذلك تجاوزتيها ومبسوطه ومتأقلمه وانك تقدرين تتعايشين في اي مكان ومع اي ظرف وفيما معنى هالكلام الحقيقه اني اتجاوز المشاكل ولكن ما انساها المهم ان هذا كله كان سابقا من حوالي سنه بدأت اشعر بملل من كل شي مهما رحت ومهما تسليت الا اني ما احس انه فيه شعور حلو داخلي صرت طفشانه من كل شي حتى السوشل ميديا والمشاهير ما اتابع احد احس اني ماعندي شغف لأي شي ولا يهتويني شي ولا يلفت نظري اي شي سوالفي صارت قليله واهلي لاحظوا هالشيء وصرت هاديه وكتومه في مره كنت اسولف مع زوجي وفضفضت له قال لا يكون عندكاكتئاب؟ قالها بمزحه بس والله انها جابها ع الجرح لأني من فتره قاريه اعراض الاكتئاب وشكيت بنفسي الحمدلله قريبه من ربي ومحافظه على صلاتي واذكاري وكل كم يوم اقرا قران بس ماااااادري ايش فيني حتى وانا بوسط اهلي احس بملل وما اسولف نفسي بس ينتهي هاليوم عشان اروح انام وارتاح بس في النهايه مصيري رح اصحى من النوم واعيش نفس وضع البارح هذا شقّ من السالفه والشقّ الثاني بنتي بالروضه وتدرس عن بعد والمعلمه حقتها حبوبه ولطيفه صار بيني وبينها تواصل في الواتس وسوالف ولكن رسميه بدأت اتعلق فيها شوي شوي لا تسيئون فهمي كل ما اشعر فيه وانا اكلمها بسعاده احس اني اطلع من جو الكآبه اللي انا فيه رغم انه عندي صديقات ولكن فجأه عفتهم كلهم وصارت كل مشاعري لهذي المعلمه احس اني لما اسولف معها ارتاح ولكنها لا تحب كثرة الكلام ولا زال الكلام بيننا في حدود دراسة بنتي وصلت الى مرحله انها في يوم سألتها عن شي وقرأت ولا ردت وجلست ابكككي بحرقه حسيت اني ثقيله عليها او اكثرت عليها الكلام حسيت انها لمحت لي بتجاهلها انه لا اسولف كثير واختصر مواضيعي بكيت لأني في اليوم اللي ما اكلمها فيه اكون مكتئبه واذا كلمتها اكون في قمة سعادتي والله انها ماتفارق بالي ولا اعرف ايش سر التعلق هذا فيها وايش الحاله اللي انا فيها المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين jufj ,lgdj 😔 اضغط هنا للذهاب لعنوان موضوعنا... |
| الساعة الآن 07:31 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
mamnoa 2.0 By DAHOM