شبكة ربيع الفردوس الاعلى

اهلي يصرفوني؟

السلام عليكم ورحمة الله وبركاته

بشرح لكم وضعي من كل النواحي و الحكم لكم ,,

انا رجل في سن مناسب جدا للزواج الوالد بيساعدني بالتكاليف علي فقط شهر العسل و تجهيزات الشقه و تجهيزاتي الشخصيه اكيد و معطيني شقه الاوضاع كلها تمام و امتلك وظيفه بمرتب 5 الاف و وظيفه شبه ثابته جداً و مستقره الحمدلله و الراتب كافي في اعتقادي لمصروفاتنا وشريت سياره جديده هذه السنه كاش بمبلغ ادخاري كامل وباستطاعتي ان ادخل عش الزوجيه بدون ديون خلال ال6 شهور القادمه اوفر المبلغ,,

المهم اني عزمت على الزواج و توكلت على الله و جاي كلي امل اني خلاص اصلا ينتظرون مني الضوء الاخضر عشان يبحثون بكل اريحيه تفاجئت لما طلبت منهم البحث و عطيتهم المواصفات ردهم فيه تصريف للموضوع و تأجيل كأني حمل ثقيل عليهم! انتظرت فتره 4 اشهر سألتهم عن الوضع وش صار؟ وحده منهم قالت شرايك في بنت خالك فلانه! مو عيب ولا قصور فيهم لكن هم اهل قرى وانا ابن مدينه فرق شاسع ما تصلح لي ولا اصلح لها استغربت منها يوم قالت كذا توقعتها تمزح , المهم شفت الاخت الكبرى وردها كان الوقت غير مناسب ابدا في اننا ندور لك و مافيه احد بيستقبل في الوقت الحالي بسبب الكورونا وغيره؟ مع اني اشوف العالم حولي تتزوج واللي خطب واللي تملك والحياه طبيعيه و ماشيه؟ الوالده في حالها وشايله ابوي واخواني الصغار ماهي حولي ولا ابي ازعجها بذا الموضوع ابد لان كلمتها مره بطريقه غير مباشره قالت ابد بكلم خواتك ..

مدري وش السوات يا ناس وش ذا التصريف والتأجيل ما ادري ما اشوف فيني عيب الحمدلله لا ادخن ولا اشيش ولاني راعي خراب رجال من الدوام الى البيت وكاف شري عن العالم , احيان اصفن بيني وبين نفسي اقول يمكن اني مجنون او ماني صاحي يستحون يكلمون العالم عني؟ مدري والله ماعرفت لهم وبس والله وش تشوفون الحل ي اخوان ...

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

higd dwvt,kd?

اضغط هنا للذهاب لعنوان موضوعنا...