السلام عليكم ورحمة الله وبركاته...

اخواني اخواتي في البدايه انا رجل عمري 26 ربيعاً فكرة الزواج مصاحبتني من زمان وانا متحمس جدا للزواج و آهل من جميع النواحي الحمدلله, اكون متحمس جدا جدا و خلاص بتجرأ اني اتكلم و اطلب من اهلي يدورون لي بنت الحلال انتظر الوقت المناسب اللي اتكلم فيه ادرس جميع الاوضاع و انتهز الفرص اذا فيه مشوار او شي احاول افاتحهم موضوع الزواج في الطريق شرط نكون لحالنا,,

مجرد ما ابدا افاتحهم الموضوع اني بتزوج و يقولون ايش هي مواصفات فتاة احلامك! وانا افكر فجأه يجيني شعور بأنه بدري جدا فكره الزواج واني مو مستعد اصلا نفسياً للزواج بكبره و باقي عليك و افكار كثيره تثبطني و تخليني اكنسل الفكره اعطيهم مواصفات تسليك بعدها بكم يوم اقول خلاص كنسلي الفكره بعد سنه من الآن ان شاء الله و اتعذر بأي شي دوام او اياً كان العذر, وترجع رغبه الزواج مره اخرى !

مدري مافهمت على نفسي ابداً ,,

في حياتي اسعى الى المثالية دائما ولا ارضى بالقليل ابي كل شي كامل والكامل الله سبحانه, ومن الافكار اللي جداً جداً تخليني أأجل الموضوع وزني كان 150 كيلو نزلته الى 90 باقي على المثالي اقل من 10 كيلو كل هذا الانجاز في سبيل الزواج و حماسي له , لكن الصدمه ان فيه الجزء السفلي من البطن مو راضي يروح ! والصدر عندي بعد يبي له شغل, كل ماشفت جسمي زي كذا اقول حرام والله تشوفك زوجتك بالمنظر هذا,, مدري وش الحل حاولت بكل الطرق انها تروح ولا راحت,,

هل ترددي بالزواج سببه جسمي! والا انا اتهرب؟
وهل طبيعي ان الواحد يكون خايف من خطوة التغيير هذي عشان كذا يتعذر بأي شي؟
وهل المشكله عظيمه لدرجه ان الواحد فعلا يكنسل فكره زواج!؟

عذراً على الاطاله و شكرا مقدما