ساعدوني 😭
 

السلام عليكم انا سيده متزوجه بالثلاثينات وعندي اطفال وزوجي بعد بالثلاثينات مشكلتي جفاف زوجي الشديد لدرجة ماقدرت استمر بالعطاء 10 سنوات خلص كل شي وكل المشاعر انتهت


كنت ابكي وانفجر الحين احس بحقد تجاهه واحاول اجرحه بالكلام لانه اي كلمه تخطر على باله يقولها ولا يحسب حساب لمشاعري ولايعتذر

الحين من 5 سنوات من عملية جماع ماقدر يكمل العمليه وبعدها نام بغرفة ثانيه لمده 7 شهور بدون اي كلام حاولت اسأله اكلمه واعتذرت اذا غلطت بدون مااحس مايرد علي ينام ويطلع للدوام ويرجع للغرفه بعد 7 شهور جاب هدية وقال اللي فات مات ورفض يقولي السبب

الحين بعد هالمشكله صار يحاول يطلع فيني عيوب الدنيا يحاول يحسسني بالتقصير والعلاقه يقعد شهر بعدها تصير
الحين قبل فتره بدأ يقول انا اكرهك ومو بالعك قلتله خلاص نتطلق ورافض علشان العيال

الحين مسافر للعمل وله 3 اسابيع ماارسل ولا رفع السماعه يتطمن علينا

وانا كأي زوجه ثانيه مو كامله فيني عيوب ومميزات وهو كمان

وصارت مشكله وطلقني ووصلت لاابوي قال ابوي وش السبب قام يطلع اشياء تافهه مثلا قبل كم سنه قالت لي كلمه مثلا البيت مو دائما نظيف يعني طلع اشياء ماتستاهل

المهم رجعنا لبعض وقال ماابي عتاب ولا كلام وانا حاسه ان السبب بالعلاقه لانه مقصر معي جدا

مثلا اذا رغب بالعلاقه بالشهر مره يبغاني ارغب فيه وهو جارحني ومتكلم علي ومسفل فيني بالارض والله كرهته وبعدها يزعل ليش ماتفاعلتي معي ويزعل شهر قدام وهذي حالتي من 5 سنوات 🤷🏻‍♀

قبلها كان جاف صح بس العلاقه مستمره وقليل يجرح

بس الحين بشكل لايطاق ويستنى علي الزله علشان يقاطعني وقالها بلسانه انا افرح اذا زعلتي علشان اسبوعين او ثلاثه ماتكلميني🤷🏻‍♀

الله يخليكم فهموني وش السالفه والله ماعاد افهم شي
الحين حط لي شروط قبل 8 شهور ومن الشروط لاعتاب ولا كلام ولاتعارضين رايي وافقت وبعد 8 شهور الرجال زي ماهو وانفجرت وعصبت قلت تغيرت مثل ماتبي ليش ماتساعدني قال انا متجنبك علشان تبقين كذا
والله جلطني اذا انا غلطانه وجهوني علموني وش اسوي ولا اتطلق واحفظ مابقي من كرامه

ماادري والله احس ضايعه واكرهه وماله بقلبي مكان




اضغط هنا للذهاب لعنوان موضوعنا...