نفسي استقيل من وظيفتي واتطلق😩💔
 

السلام عليكم
انا عمري 27 عندي بنت عمرها سنتين وحامل الحين ،أخصائية اشتغل 5 ايام 9 ساعات باليوم من 7 الصباح إلى 4 العصر زوجي ضغط علي عشان الوظيفه لما خطبني كان يقول براحتك تتوظفي او لا طبعا انا مالي رغبه ابدا بعد الزواج جلست سنه عاطله وهو يزن علي كيف تدرسي 17 سنه وتجلسي بالبيت انتي بس تنامي ماعندك اهداف ويروح يقدم لي على وظايف ويتشحذ الhr يوظفوني لين بالنهايه قدمت و رفضوني و راح تشحذهم وقبلوني اكره زوجي كره دمر حياتي بشكل فظيع اكتشفت من فتره بالصدفه انه كان لما يسافر يقول لي دورة عمل ماكان عمل كان مراقص وشراب وبنات ، انا اكثر من مره كنت اقول له ابي استقيل ماني مرتاحه ضغط عمل و بنتي مرميه مع الشغاله و إذا رجعت البيت آلام برجولي و ظهري وصداع ومالي خلق العب مع بنتي قال كيفك إذا تبي تستقيلي بس انا مارح اعطيك مصروف بس بعد ماكشفت قلة ادبه كرهته وماابغى اكمل حياتي معاه هو وعدني مايسافر مره ثانيه لحاله لأن هالشي يصير بالسفريات بس وقال بخلي جوازي معاك بس مستحيل اثق فيه او اصدقه مره ثانيه ، المشكله الحين صرت مجبره على وظيفتي لأني في حال تطلقت مين يصرف على عيالي مستحيل اتنازل فيهم لأبوهم عشان يصرف عليهم ومستحيل ارجع لأهلي لأن قلت لأمي وابوي ابي اتطلق قالو سوي اللي يريحك لو تاخذي شقه وتعيشي فيها مع بنتك لأن احنا مانتحمل ازعاج واصلا حتى اهلي عمرهم مااعطوني فلوس لو اترك وظيفتي والله يذلوني على الريال ، نفسي استقيل وارتاح من الدوام واسفر شغالتي وافتك منها ونفسي اتطلق واعيش لحالي تعبت من الناس من اهلي من زوجي ، راتبي 11 الف ريال خلال سنتين ماجمعت الا 80 الف و الباقي مدري وين طارت مع ان زوجي هو اللي يدفع الشغاله وايجار الشقه انا مااساعده بشي و هو راتبه 25 الف ، يعني الحين لو ابي اشتري بيت بمليون يبي لي 20 او 30 سنه اشتغل ويصير معاي شنطه فيها حبوب ضغط وهشاشة عظام ، معليش كلامي ملخبط بس الحين حطيت فكرة الاستقاله براسي وتخصصي مافيه وظايف كثير يعني ممكن ارجع اتوظف مره ثانيه لو كبرو اطفالي بشهادة الثانوي ب4 الاف بالكثير 6 الاف وش رايكم أخاف استقيل واندم هالوظيفه ماجت الا بعد سنه بطلعة الروح




اضغط هنا للذهاب لعنوان موضوعنا...