|
مشكلة مالها حل 😞
السلام عليكم
انا تزوجت من شخص مطلق من اربع سنوات عمري 26 عندي طفله سنة ونص و حامل كم شهر واولد بإذن الله كان يقولي ان السبب من طليقتة وحط فيها عيوب الدنيا و على هالاساس وافقت و صدقت وكان يقولي انه مبسوط معي وان عوض ربي له و اني كلشي بحياتة مشكلتي مع مرور الوقت زوجي احيانا يكون معنا تمام و احيان لا كثير يسمع لاهلة حتى بالشيء اللي يضرنا لو قالو امنع عنها المصروف منعها عني وهالشيء حصل و صبرت والحمدلله صحيح احيان امر بمشاكل و اتناقش و نزعل ومشت الحياة المشكلة اللي حصلت لي مجهولة السبب ام زوجي بينها وبين زوجة ولدها الصغير مشاكل و تكلمو و تبلو فيها ورجعت بيتها بعد هجر طبعا هذا كله ظلم المهم البنت رجعت بيتها بعد محاولات اصلاح بعد فترة طلعت انا واياها السوق برضا من زوجي واخوه ثاني يوم زوجي اصر اني انزل لامة قلت طيب ماحد اتصل يمكن العالم مشغولة اخذ بنتي قال بسبقك وبقول انك جاية المهم تجهزت و نزلت و اسلم ماردت السلام و اتكلم محد يرد علي حسيت الموضوع فية حاجة على اني كل اسبوع اتصل و اجيها و كانت تمام و يجوني احيان شايلين و احيان كويسين مر يومين وجاء زوجي مشحون قالي سويلي قهوة سويتها قال ابي عشاء قمت سويت قال لا مابيه ابي غيره قلت طيب و يحاول يصتدم فيني و يتكلم ونا جالسة قال قومي حطي عشاي وانقلعي قلت حطه انت عيب تقول كذة ورحت الغرفة وانسدحت وجاء شغل الانوار و قفل التكيف وقال لاتشغلين شي انا ادفع فواتير هنااا جلست نصف ساعه وطلعت عنده قال قومي انقلعي قلت انقلع وين ترى يافلان باخذها جد و انقلع وقام يقل ادبه دقي ع ابوك دقي ع فلان يلا يلا و يتحداني اخذت عباتي ونزلت بحوش العمارة اشم هواء وافك عنه يمكن يهدا ولحقني ويسحبني ادخلي ادخلي لايشوفك الناس ونتي فضيحة ويحلف انه يدق على اهلي المهم قلت هو طلب مني طلعت اخذت بنتي واحاول الم ملابس وحفاظات ورضاعه و قلت بنزل وهو يحاول يجر بنتي ونا اركض و تركت الشنطة بلي فيها 😢 ونزلت والله ماوصلت للباب الا جوالي قفل وجلست عالدرج شوي مقهورة ومغبونة وكيف اتصل ع اهلي اخر الليل وش اقولهم طردني بدون سبب الوقت متاخر و قعدت ابكي انتظر اهلي توقعت انه اتصل بس ماتصل وحسيت اني تعبت حتى رجولي ثقلت ماقدرت اقوم وهو يرجعلي ويرفع علي الشبشب واحاول ابعده و اقوم و اطلع وادق ع باب اخوانه ودخلت عند وحدة منهم وشحنت جوالي و الاقية يتصل يقول ارجعي البيت ومارديت واتصل ع اخوي واطلع وهو شاف اخوي وقعدو يتناقشون ويقول تبي ترجع ترجع قلت مابي ارجع بروح لاهلي ويتصل اخوي عليه بعد يومين و يقولي انتم طلعتوها انتم رجعوها ويتصل ابوي يستفسر و يقول بنتكم ماطبخت لي غداء قال ابوي هذا سبب !!! والمشكلة كذذذاب يتبلى علي ومعاد اتصلو علية و لا هو اتصل لنا 3 اسابيع عند اهلي ولا اعطاني اغراض ولا مصروف ولا سال وبعد كلام ابوي معاه يحظرني و يفك الحظر على اني مارسلت ولا حرف اتصلت على ابوه اطلب منه اوراق مواعيد و ملابس بنتي و اغراض ضرورية قالي زوووجك و امة كليوم يحكون بالسالفة و يقولون انك كذابة و انك مريضه و طالعه لحالك ومتوعد فيه بس ماسوى شيء ولا له كلمة علية قالي ان ام العيال محد يقدر عليها دام تحشي عقول عيالها بذات زوجك ومخربتهم حتى علي انا ابوهم وهو بعد مو اول مرة يرددها علي كثير كان تحصل مرات اجلس ومرات اقوله ينزلني واجلس عند اهلي ماقولهم شيء انا مقهورة على اللي حصل لي بدون سبب ونفسيتي جدا سيئة وشايلة هم مصروف كل كم اطلب من خواتي وصديقاتي و عندي مواعيد ضرورية في هالوقت يالله حصلت هالمواعيد وانتظرها من شهر 💔 حتى ملابس ولا شيء خذيت دوب رحت شريت قطعتين لي مقهورة على نفسي و عيالي و على مستقبلي و على حياتي اللي بعمرها توها تتزوج و هذاااا يتحداني حتى بالطلاق حسبي الله و كفى حتى اهلي ودهم اني ارجع له بسبب ان اختي الكبيرة مطلقة ومايبوني اتطلق و عادي ارجع له بسهولة 😞. المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين la;gm lhgih pg 😞 اضغط هنا للذهاب لعنوان موضوعنا... |
| الساعة الآن 03:42 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
mamnoa 2.0 By DAHOM