فقدت ثقتي بزوجي ! وماتخيل مستقبلي معه (( ليست مشكلة خيانة))
 

فقدت ثقتي بزوجيً!
ساسرد لكم بعض النقاط اللي تحسسني بعدم الامان او الثقة في الشخص اللي اخترته زوج وشريك ومصدر امان وراحة في هذه الحياة ..
مدة زواجنا حدود سنتين ونص

بداية حياتنا عشنا فترات متقطعة مع بعض وبعدين عن بعض بحكم الدراسة والعمل .. حاليا نعيش سوا تحت سقف واحد من اكثر من 8 اشهر وهي اطول مدة منذ زواجنا عشناها سوى

لاحظت فيه انه دايم متذمر يشكي التعب والارهاق ع طول ماطلب منه اي طلب الا يرد ب (( ليش ؟ او ضروري )) وانا ماتعودت اصلا اني اطلب واذا طلبت متعودة ان طلباتي تُجاب لانها بسيطة جدا
مثل طلعة مطعم مره في الشهر
نغيير جو لو بالسيارة
اشياء خفيفة وغير مكلفة بتاتا لانه يمر بظروف مادية وتازمت بعد مشاكل كورونا ..
اسواء صفه فيه اني لما اشكي تعب او الم يقول انا اكثر منك ! دايم يحب يبين لي انه تعبان ومريض ! و دايم يسهر الليل وينام النهار بالعطلات ويروح يومي بضيق وكابه ! مايصحى الا نص اليوم بعد الساعه 1 الظهر ولو قلت نطلع نغير جو نتغدا برى يقول حر موت او تعبان او من نطلع يجلس ينتقد هذا ليش كذا و ليه هالسعر وشين وانا اعرف مكان احسن ويكرهني بالساعة اللي طلبته فيها اني اطلع معه ! علما انه مو بخيل
المشكلة الكبرى اني حامل ! ومن بدا تعب الحمل يزيد علي وهو يتهرب من المسؤوليه المعنوية مره طلبت منه يدلك ظهري لاني كنت احس بالم شديد قال انا اتعب منك !!!! ولا يرد من دون نفس ويسوي اي كلام ويتاوه وهو يساعدني !!!!
وكل ماسمعني اتالم لما يجي وقت النوم يجلس هو يون ويتالم مثلي !!!! مع ان مافيه شيء لاني سويت نفسي نايمه اشوفه يطقطق عالجوال ويضحك ومن يسمعني يجلس يأن (( يون يتأوه )) مثلي !

من فتره جته اعراض حساسية واستغل الوضع وقال اعراض كرونا ومافي حرارة ولا كحة لكن طلع وصار ينام برى بعيد عن الغرفة وطول وقته نايم عالكنب لدرجة ياكل وهو منسدح ! ويمشي خطوتين ويجلس يتالم من الصداع والدوخة والارهاق ! وانا. مايحق لي اشكي بشيء ! ماهو حاس فيني ولا بتعتب الحمل ولا الالم اللي احسه او الارهاق اللي اعيشه لا النفسي ولا الجسدي !! اقوله ارجع للغرفة يقول لا اخاف اعديك !! وهو طاب مافيه شيء بس يبي يسهر عالجوال والتلفزيون !!! واذا جا الدوام يروح ومافيه الا العافية اقوله اجلس ارتاح لا تتعب نفسك هذ يوم يومين احازة مرضي يقول لا شغل مهم ماقدر!! لكن اذا انا احتجت شيء يتحجج بالتعب والارهاق والمرض !!
والحين موعد ولادتي قرب وهو قرر يسوي عملية اسنان تحتاج تنويم بنفس موعد اسبوع ولادتي !!! يقول وصار شد وحكي قال لازم ماقدر ماتحمل انا تعبت ومن هالحكي !!!
طبعا اهلي بمنطة ثانية وجوا بنفس منطقتنا واستاجروا سكن مؤقت يجلسون عندي قال عادي روحي عند اهلك !!! اهلي بسكن مؤقت مايصلح اروح لهم مالي مكان فيه صغير وازعاج !!! قال خلاص بحيب لك شغاله تحلس معك !! طيب وانت وش دورك بالحياة !! قهرني فقدت ثقتي فيه طاح من عيني بمعني الكلمة هذا كله وهو اول حمل لي و اساسا كان فيه مشكلة عنده هي سبب ناخر الحمل
كرهته من قلبي صرت اكره اجلس معه اكره اكلمه اكره اطلبه شيء ! حتى اغراضي الخاصة صرت اشتريها من فلوسي انا بدون ماطلب منه شيء ماقدر اتخيل حياتي معه بالمستقبل ! منافق اذا شاف اهلي انواع المبالغلات بوصف بطولاته لكن اذا جاء عندي كانه حرمة عجوزه عمرها 90 سنة فيها كل امراض الدنيا !




اضغط هنا للذهاب لعنوان موضوعنا...