سفر الزوج الطويل💔
 

السلام عليكم
ببدا بالمشكله ع طول زوجي عسكري وفجأة وبدون مقدمات رسلوهم لمهمه عسكرية ونظراً لحساسيتها ماعندهم اي معلومات عن وقت انتهاءها مر الشهر الاول والثاني والثالث والان بالرابع! ولا حس ولا خبر حاول زوجي واللي معاه ياخذون اذونات اجازات ممنوع تماماً ومتى رجعتهم الله وحده العالم
طبعاً في البداية كنا ننتظر عودته ذحين صار الخوف يتثبت بذيك المنطقة وبالتالي لازم احنا ننتقل لأقرب مدينة للمنطقة وذا الشي بيقلب حياتنا جحيم ..
المهم المشكله الأساسية انه زوجي مو موجود صح نعمه نقدر نتواصل معاه لانه طلع مهمات من قبل مافي شبكة وخارج المملكة ولا نعرف شي عنه لين يرجع لكن ذي المهمات ماكانت اكثر من اسبوعين..
المهم الشهرين الاولى قعدتها ببيت اهلي بصراحة كان توتر فظيييع لا استقلاليه ولا شي امي وابويا واخواني منزعجين من اولادي تحكم مزعج اي شي احتاجه او ابغاه مااقدر اجيبه الا بالموت ومرات اصلا مااجيبه خير شر
وقت ماكان زوجي موجود اي شي نبغاه مايقصر ويجيبه لنا ع طول (طبعا اتكلم عن ضروريات الحياة اليوميه وكذا)
وولدي نفسيته ساءت مرة وصار عصبي وغير منضبط ولا يسمع الكلام غير الخصام اللي يجيه من اهلي غير محبوسين طول الوقت وزوجي كان دايما يطلعنا ويخرجنا باختصار تغيرات فظيعه صارت
وبعد الشهرين رجعت بيتي طبعا كان الوضع احسن ب الف مرة من ناحية الاستقلاليه والراحة ومافي احد ع راسك يهزأك او يطفشك وولدي نفسيته تحسنت مرة حتى رجع ياكل احسن لكن برضه يسال باستمرار عن ابوه
لكن طبعا الوضع اصعب من ناحية كل المسؤوليات فوق راسي وولدي ابتدائي ومعاناه عشان يحضر الدروس ويرضى نحل الواجبات غير الاهتمام بطفله رضيعه ومسؤوليات وشغل البيت اللي مايخلص زوجي لما كان فيه كان يساعدني ومايقصر غير اغراض البقاله انتظر نهاية الاسبوع او اكثر لين اخويا يجي ويقضيلنا اشياء كثيرة احتاجها وابغاها مااقدر اروح ولا اجيبها ..
غير موضوع العلاقه الخاصة عذاب مايعلم فيه الا الله انك تعيش الحرمان وتصارعه وبالتالي تزيد العصبية والتوتر واشياء كثيرة سيئة لو تقولو ممكن عن طريق الجوال مستحيل جوالاتهم مراقبه وكذا مرة فجاة تنسحب وتتفتش اصلا نفسيا مستحيل تفكر ب اشباع الرغبه وانتا عارف فيه احد يراقب صعب مرة
باختصار معاناة وعذاب من نواحي كثيرة ماتخيلت يوم من الايام انو مجرد وجود زوجي معانا هذي نعمة عظيمه
بالله ادوني حل ايش اسوي كيف اتعامل مع هذا السفر الطويل كيف احسن نفسيتي💔💔💔




اضغط هنا للذهاب لعنوان موضوعنا...